Бугуннинг ўзида дебют. Олд Траффордда. Криштиано Роналду Ньюкаслга қарши ўйинда Манчестер Юнайтед асосий таркибидан жой олди. Кўрайликчи.

t.me/Davron_Fayziev

Она барибир она. Биринчи голингми, мингинчими, реакция ўзгармайди. Балки ўғлининг бир пайтлар шу стадионга ўсмир даврида келгани ёдига тушгандир. Дарвоқе, анча йил олдин айнан Роналдунинг онаси кун келиб ўғли Манчестерга қайтишини айтганди.

t.me/Davron_Fayziev

Футболдаги отаси Фергюссон ҳам шу ерда. У ўз уйида. Одам ўзини уйдагидек эркин ҳис этиши шу бўлса керак. Дубль

t.me/Davron_Fayziev

Шарҳда ишлатмайдиган сўзларни шу ерда ёзсак бўлар, Фернандеш голни ёриб, бузиб, тахлаб, жойлаб ташлади. Португалияда қандайдир байраммасми бугун?

t.me/Davron_Fayziev

Яна бир “Монстр” қутиришда давом этмоқда. Боруссия Дортмунд ҳужумчиси Эрлинг Холанд Байер дарвозасини икки марта ишғол қилиб, жамоасига ғалаба келтирди. Ушбу мавсум клуби сафида 6 ўйинда 8 та гол урди. Футбол келажаги ишончли қўлларда.

t.me/Davron_Fayziev

Sports.uz сайти ва YouTube каналида бир қанча самимий интервьюлар чиқди. Футболчиларга минбар бериляпти, улар ортиқча босимсиз шунчаки ичидаги фикрларини билдиришмоқда. Натижада яхши дастур тайёрланяпти. Номи эса "Гапираман".

Гапиринглар, биз эса эшитамиз ва ҳулоса қиламиз. Бу сафар Жавоҳир Соҳибов гапирибти. Сизга ҳам ушбу интервьюни томоша қилишни таклиф этаман.

Ўзи футболчиларнинг эркин тарзда фикрини ОАВда гапириши ва ўзини олиб қочмаслиги масаласи мен учун муҳим. Европанинг етук юлдузлари ҳам мунтазам интервьюлар беришади ва ўзини анча эркин ҳис этишади. Бизда кучли чемпионатларни кўрган Аҳмедов, Машарипов, Шомуродов, Шукуров, Ашурматов, Алибоев кабилар доимо мулоқотга тайёр. Айнан улар бу масалада кўпчиликка ўрнак.

Билмадим бу тасодифми ёки йўқ, лекин Ювентус қаторасига иккинчи учрашувда мағлубиятга учрамоқда. Дастлаб Эмполи, энди эса Наполи.

t.me/Davron_Fayziev

Аниқ мақсадли трансфер жамоани фақат кучайтиради. Масалан Лукаку ва унинг Челсига ўтиши. Манчестерлар ва Ливерпуль билан тенг жанг қиладиган яна бир клуб етилди. Аниқроғи қайтди. Лондонликларнинг кучига шубҳа қилсангиз юқоридаги суратга боқинг.

t.me/Davron_Fayziev

Бугун мана бу йигит ўйнамади. Узоқ парвозлардан кейин унга дам берилди. Сал ўзига келиб олади, 2-3 марта машғулот ўтказади. Кейин эса “Супер Марио” тангалар йиққанидек Франция чемпионатида голлар ҳосилини теришни бошлайди.

t.me/Davron_Fayziev

Белфорд 1-раундда Холифилдни мағлубиятга учратди.

Қисқа чақирувдан сўнг Оскар Де Ла Хойя ўрнига рингга чиққан бокс афсонаси Эвандер Холифилд мағлуб бўлди. 58 ёшда яна нима кутиш мумкин эди? Рақиби 44 ёшда ва яқиндагина фаолиятини тугатган Витор Белфорд эди. Белфордда ўша уни машхур қилган портловчи эффект қисман сақланиб қолган. Холифилд эса гарчи баданини формада ушлаб турса ҳам бардош, кескинлик, тезлик даражаси анча пасайган. Ҳатто Майк Тайсонда Рой Жонсга қарши ҳали олов бордек кўринганди. Авваллари ҳам ёзгандим, обрў борида тугатиш керак. “Қулоқсиз” Эвандер эътибор қилмади. Натижа - тезкор техник нокаут.

t.me/Davron_Fayziev

Бугун муҳим кун. Футзал терма жамоамиз Жаҳон чемпионатида юришини бошлайди. Дастлабки рақиб Гватемала. Ушбу терма жамоа турнирдаги энг тажрибалилардан. Футзал Гватемалада анча оммалашган, ўз пайтида Мундиални қабул қилишган. Ўйинчилар анча агрессив ва курашувчан услубда ҳаракат қилишади. Бизнинг жамоа билан бир меҳмонхонада бўлганлиги сабаб кўряпманки, ҳар кунги одатий машқлардан ташқари қўшимчасига тренажёр залида ҳам ишлашяпти. Гватемала жанг таклиф этмоқчи. Бизнинг жамоа техника, тезлик ва тартибли ўйинда устун келишга ҳаракат қилади. Зўр баҳс бўлади. 20:00 да томоша қилинг. Омад тилаймиз 🤲🏼

t.me/Davron_Fayziev

Ўзбекистон футзалчилари барибир зўр. Улар мундиалга бориш билангина кифояланишмаяпти, улар жаҳон чемпионатида ғолиб чиқишга интилишяпти. Шунинг учун ҳам улар зўр.

Футболда ирода ва тажриба деган тушунчалар бор. Футзалчиларимиз иродаси ўйин 2:4 вақтида кўринди ва улар катта қийинчилик билан мувозанатни тиклашди. Қолганига эса озгина тажриба етишмади.

Шундай мағлубиятлар бўладики, уни яхши кайфиятда қабул қиласан. Кимгадир жиддий эътирозинг бўлмайди. Бугун биз шундай мағлубият билан юзлашдик. Шу темп ва иштиёқда давом этишимиз керак.

Рома - Сассуоло. Элдор Шомуродов бу сафар ҳам асосий таркибда эмас. Шу гал захирадан тушиб ўйин масаласини ҳал қилиб қўйса эди. Рома учта турнирда қатнашади ва Жозе Моуриньо кубок ва конференцияда Шомани қўлламоқчи шекили.

t.me/Davron_Fayziev

Олға Шома, озгина вақт бор, газни бос!

t.me/Davron_Fayziev

Шомуродовдан пас, Эль-Шааравидан гол! Daje Roma 👏🏼

t.me/Davron_Fayziev

Қўшалоқ байрам. Моуриньо мураббийлик фаолиятидаги 1000-ўйинини ўтказди ва ғалаба қозонди. Қизиғи, агар статистика алдамаётган бўлса шу ўйинда унинг жамоалари урган голлари сони 2000 тага етди. Тўғри келганини қаранг.

t.me/Davron_Fayziev

А Серия турнир жадвали. Ҳа, эндигина 3 тур ўтказилди. Аммо ярашиб турибти пешқадамга.

t.me/Davron_Fayziev

Мбаппе ўтмагач Реал Мадрид вакиллари Франциядан қуруқ қайтмаслик учун Ренндан 18 ёшли Камавингани олиб келишганди. У эса дебют ўйинида майдонга тушгач 6 дақиқадан сўнг гол урди.

t.me/Davron_Fayziev

Ажойиб мини камера!

- 2021 йил мураккаблашган модель.
- Симсиз замонавий мини камера
- Телефон, компьютер оркали онлайн кўриб туриш мумкин.
- SD(флешка) қўйсангиз бас. Видео ёзишни бошлайди. Хотира тўлган сари автомат ўзи олдинги видеоларни ўчира бошлайди.
- HD качества
- 150 градусни олади.
- Ҳаракат учун сигнал беради.
- Микрофон ва динамик мавжуд.
- Тунги режим ҳам мавжуд
- Ёш болалар учун ҳам фойдали
- Агарда тўғридан-тўғри видеони кўриб текширмокчи бўлсангиз, бунинг учун телефонингизга программасини установка қилсангиз ва камерани Wi-Фи уласангиз бас, дунёни хоҳлаган жойидан кўриб туришингиз мумкин.
- Қўшимча кўплаб функциялар мавжуд.

🚚 Ўзбекистон бўйлаб етказиб бериш бепул!

Нархи💰349.000 сўм — чегирма нархда харид қилинг

Буюртма бериш учун👇
📞 +998335861111
📞 +998335861111

Конор Макгрегор яна бир тўполонда иштирок этди.

Нью Йоркда нуфузли MTV Video Music Awards тақдирлаш маросимида Конор ва таниқли рэпер Колсон Бэйкер (Machine Gun Kelly) ўртасида тушунмовчилик рўй берди. Рэпер биринчи бўлиб ёнига келган Макгрегорни туртиб юборган. Натижада Конорнинг қўлидаги қўлтиқтаёқ тушиб кетган. Жангчи эса ҳамон эркин юришга қийналмоқда. Макгрегор энди куч ишлатишга ташланаётганда қўриқчилар аралашган ва уларни ажратишган. Ҳеч кимга шикаст етмаган. Конор вазиятни қўйидагича изоҳлади:

“Ҳеч нарса бўлмади. Мен уни танимайман. Уришсам фақат муносиблар билан, жанг қилишни биладиганлар билан уришаман. Бунақанги майда рэперлар билан эмас. Бу йигит Меган Фокс билан кириб келганидан бошқа у ҳақда ҳеч нарса билмайман”.

Қизиғи, маросим “Барклайс центр”да бўлиб ўтди. 3 йил аввал шу ерда Конор Хабиб кетаётган автобусга ҳужум қилганди.

t.me/Davron_Fayziev