Проф бокс. Энг оғир тоифа. Янги чемпион - Александр Усик!

Украиналик боксчи 12 раунд натижасига кўра Энтони Жошуа устидан ғалаба қозонди. Ҳисоб 117-112, 116-112, 115-113. Ишончли ғалаба. Тезлик, темп, фаоллик Усик томонида бўлди.

t.me/Davron_Fayziev

Ник Диаз нокаутга учратилди.

17 йил катта муддат. Актив жангчи бўлиш катта устунлик беради. Буни собиқ чемпион Робби Лоулер исботлади. У Ник Диазни учинчи раундда нокаутга учратди. Диазлар шундай, ютса ҳам юқазса ҳам шов-шув кўтара олади.

t.me/Davron_Fayziev

Усик - Жошуа жангининг сўнгги секундлари. Бу видеони шарҳловчи Жо Роган жойлади. Унинг кузатуви бўйича гонг бир неча секунд аввал янграган. Мен бунга жуда катта урғу бермасдим. Жошуа жуда осилиб қолмади. Усик доминантлик қилди, бироқ AJда ҳали захира бор.

t.me/Davron_Fayziev

Вау! UFC ярименгил тоифаси чемпионлик жанги қонли урушга айланди. Алекс Волкановски ва Брайан Ортега 5 раунд муросасиз баҳс олиб боришди. Чемпион вақти вақти билан устунликка эришди. Жанг темпини айнан Волкановски белгилаб турди. Бир неча бор Ортега оғир вазиятга тушди. Лекин ҳар сафар ирода кўрсатиб камбэкка интилди. Учинчи раундда ҳатто бир неча бор рақибини бўғиб қўйишига сал қолди. 5-раунд охирида ҳам Ортега активлик кўрсатди. Лекин бу етарли бўлмади. Очколар бўйича устунлик билан Алекс Волкановски ғолиб чиқди ва ўз чемпионлик камарини ҳимоя қилди.

t.me/Davron_Fayziev

#Qiziqarali_savolimiz#Qiziqarali_savolimiz
Futbolchini toping!

👉Men Ronaldu bilan o'ynaganman, lekin Messi bilan emas!
👉Men Pepe Reyna bilan o'ynaganman, lekin Kasilyas bilan emas!
👉Men Diego Milito bilan o'ynaganman, lekin akasi Gabi Milito bilan emas!
👉Men Koutinyo bilan o'ynaganman, lekin Neymar bilan emas!

Bu qaysi o'yinchi?

Билармидингиз?

Бугун ўзаро жанг қилган Александр Усик ва Энтони Жошуа битта Олимпиадада олтин медальни қўлга киритишган. Лондон-2012 олимпия боксида. Жошуа супероғир вазн чемпиони бўлган. Усик эса битта паст, оғир тоифада олтин медаль эгасига айланган. Ажойиб Олимпиада бўлган эди, очилишидан ёпилишигача тўлиқ дистанциясини эфирда ўтказгандим, лекин бу бошқа ҳикоя. Бугун эса Усик яна Лондонга қайтиб унвон олди, фақат бу гал медаль эмас, чемпионлик камарлари.

t.me/Davron_Fayziev

Англия, Испания ва Италия чемпионатларининг онлайн жадвали.

АПЛда доимий тўртлик ичида ўзгаришлар бор. Манчестер Юнайтед ва Челси чекинишди. Ливерпуль олдинга қадам ташлади. Бирор марта ютқазмади. Лекин 2 бор дуранг қайд этди. Дарвоқе Арсенал дербида Тоттенхэмни мағлуб этди. Тоттенхэмда ваҳимали старт ва ортга чекинди. Фожеа эмас, лекин чўкяпти.

Испанияда Реал Мадрид иккита дуранг билан ҳам пешқадам бўлиб турибти. Сосьедад эса таъқибчи. Вақтинчадир. Асосий даъвогарлар ҳозирча панада. Барселона ниҳоят ўз мухлисларини ишончли ғалаба билан ҳурсанд қилди ёки тўғрироқ айтганда тинчлантирди. Атлетико ютқазганидан хабарингиз бордир.

Италияда агар ҳозир ўйнаётган Наполи ғалаба қозонса пешқадамга айланади. Рақиб Кальяри. Спалетти жамоаси шу кунгача очко йўқотмади. Унгача эса Милан олдинда. Чемпион Интер учликда. Рома эса… дербида Лациога ютқазди 2:3. Шомуродов яна захирадан тушди. Ювентус қийинчилик билан ўнликка кирди.

t.me/Davron_Fayziev

Қанақанги ажойиб бу йигитлар! Оддий, самимий, ростгўй. Майдонда эса меҳнаткаш ва курашувчан. Яқиндан кўрганим учун айтаман, ҳар бири шундай.

t.me/Davron_Fayziev

Миллионерлар дербиси.

Бошқачасига, Месси Гвардиолага қарши деса ҳам бўлади. Гуруҳ босқичи безаги бўлмиш жуфтликлардан бири. Бугун ПСЖ - Манчестер Сити. Аввал бир нарсани айтмоқчиман. Менимча Месси аслида Ситига ўтишига керак эди. Нима учундир шунча трансферга кўндира олган Пеп бу масалада Шайх Мансурга қатъийлик қила олмади. Энди мана оқибатини кўрамиз. Дарвоқе, бугунги ўйинда Лео тушмаслиги ҳам мумкин. Мабодо тушса… Гвардиола жамоаларига қарши 4 ўйинда 6 та гол урганини шу ерга ёзиб қолдираман. Инглиз жамоалари билан голлар статистикаси эса видеода бор, қўрқинчли рақамлар. ПСЖ ҳеч қачон Сити устидан ғалаба қозона олмаган. Почеттино эса ютган. Уларда энг юлдузли таркиблар, энг кўп пул ва уларнинг энг катта орзуси Чемпионлар лигасини ютиш. Бу албатта анонс эмас, шунчаки томошабин сифатида кутаётганим.

t.me/Davron_Fayziev

Сантьяго Бернабеудаги ўзбек

Бугун биз учун яна бир эътиборли воқеа рўй беради. Жасур Яхшибоев ва унинг Шериф жамоаси Чемпионлар лигаси дориасида Реал Мадрид билан ўйнайди. Сантьяго Бернабеуда. Бош мураббий Юрий Вернидуб уни асосий таркибда туширишини кутамиз. Яхшибоев эса хотиржамликни йўқотмаган ҳолда ўзини кўрсатиши, камида Анчелоттининг эътиборини тортиши керак. “35 миллион халқимиз, ҳамма сендан голлар кутади”, деган хаяжонли гаплар билан унинг елкасига қўшимча юк осиб қўймаймиз. Жасурбек, бу ҳам бир ўйин, сен эса майдонда ўз ишингни биласан. Бос!

t.me/Davron_Fayziev