#Online 4

Манчестер Сити - ПСЖ (2:1)

Ман Сити ва ПСЖ Чемпионлар лигасида фақат бир бор (2 ўйинлик босқичда) тўқнаш келишган. 2015/16 мавсумда чорак финал босқичида. Ситини Мануэль Пеллегрини, ПСЖни эса Лоран Блан бошқарган.

Дастлабки ўйинда Парижда 2:2 ҳисоби қайд этилган. Мезбонлардан голларни Златан ва Рабио ўрган бўлса, манчестерликлардан Де Брюйне ва Фернандиньо гол киритишган.

Жавоб ўйинида Этихадда Кевин Де Брюйне ягона гол билан Ситини ярим финалга олиб чиққан.

Унгача жамоалар фақатгина УЕФА кубоги гуруҳ босқичида тўқнаш келишган. 2008 йилги ягона ўйин 0:0 ҳисобида тугаган.

t.me/Davron_Fayziev

#Online 5

Манчестер Сити - ПСЖ (2:1)

Ушбу клублар ўз тарихида ҳали бирор марта Чемпионлар лигаси ғолиби бўлишмаган.
Агар улардан бири финалга чиқиб ғалаба қозонса, турнир тарихидаги 23-чемпион клубга айланади. Шу пайтгача ЧЛда 22 та клуб чемпион бўлган.

Охирги янги чемпион Челси эди. 2012 йилда бу натижага эришган. Шундан кейин ғолиб чиққан жамоалар аввал ҳам бу натижага эришган.

t.me/Davron_Fayziev

#Online 6

Манчестер Сити - ПСЖ (2:1)

Сити бу мавсумда ЧЛда бирорта учрашувда мағлубиятга учрамади. 10 ғалаба ва 1 дуранг.
ПСЖ эса 4 марта мағлуб бўлишга улгурди. 6 ғалаба ва 1 дуранг ҳам бор.

Охирги 3 мавсумда Сити қайд этган кўрсаткич 23 ғалаба - 4 дуранг - 3 мағлубият. 74 та гол уриб, 25 та ўтказиб юборган.
ПСЖ натижаси 18-4-7.

ПСЖ 4 маротаба УЕФА турнирларидаги плэй-оффни уйидаги мағлубият билан бошлаган. Уларнинг ҳаммасида жавоб ўйинидан сўнг мусобақадан чиқиб кетган.

Сити Еврокубокларда икки марта пенальтилар сериясида иштирок этиб, иккаласида ғалаба қозонган.

ПСЖ бир марта пенальтилар сериясида қатнашган ва 2001 йилда Рейнжерсга ютқазиб қўйган.

t.me/Davron_Fayziev

Моуриньо бунчалик тез иш бошлайди деб ўйламагандим. Аммо яхши мутахассис кўчада қолмайди деганларидек, Рома ишни чўзиб ўтирмади. Португалиялик ўрнига португалиялик. Рома ва Моуриньо учун янги давр бошланмоқда. Рим Моурга мос шаҳар. Моур Римга мосми? Унинг янги ғояларини кузатиб бориш доим қизиқарли. Омад!

t.me/Davron_Fayziev

#Online 7

Манчестер Сити - ПСЖ (2:1)

Гвардиола ва Почеттино турли клубларда ўзаро тўқнаш келишган. Ла Лигада бир даврда мос равишда Барселона ва Эспаньолни бошқаришган. АПЛда эса Ман Сити ва Тоттенхэмни.
Умумий 19 марта ўзаро ўйнашган. Ҳисоб 11-3 Гвардиола фойдасига. 5 марта дуранг.

Аммо битта нарсада Почеттино устун. Чемпионлар лигасида улар тўқнаш келганда Маурисионинг Тоттенхэми икки ўйин натижасига кўра Пепнинг Ситисини енгган. Бу 2018/19 мавсумининг чорак финали эди.

t.me/Davron_Fayziev

📌 Бугунги Студия иштирокчилари:

👉🏻 @Davron_Fayziev
👉🏻 @Turdialiyev_Hasan
👉🏻 @boburachannel
👉🏻 @tolipovuz

Мавзулар:

📎 “Интер”нинг чемпионлиги
📎 Роналду “Ювентус”дан кетиши
📎 “Милан”даги ёлғон юксалиш
📎 Ва албатта “Манчестер Сити” – ПСЖ

⬇️ЮТУБДА КЎРИШ⬇️
🚩 https://www.youtube.com/watch?v=vSNQ1NtHJ4s&t=13s

#Online 8

Ман Сити - ПСЖ

Таркибларни билдингиз. Боя студияда тахмин қилгандимки, Фернандиньо биринчи учрашувдан фарқли равишда асосийда тушади. Тушди. Нега? Мен ҳам Гвардиола ўрнида тактик тўғри ўййнайдиган Родрига нисбатан “каллакесар” Фернандиньони танлаган бўлардим. Йўқ қил уни, деб Неймарга персонал программалаштирардим.

Бошқа чизиқларда ҳам кутилган ечимлар. Зинченко асосийда. Яна номинал ҳужумчисиз. Де Брюйне олдинга чиқади. Фоден ҳам чапда, ҳам яширин 9. Маҳрез ва Бернарду пинг-понг ўйнашади.

ПСЖ. Афсус Мбаппе тушмади. Ўзи ўткан гал ҳам жароҳати бор эди. Таваккал тушди ва аҳволи баттарлашди. Ечим - амалиётсиз Икарди. Бу қурол отиши ҳам мумкин, отолмаслиги аниқроқ. ДиМа ва Неймар жойида. Шулар ютиш ёки ўлиш учун тушишган бўлса ПСЖнинг аҳволи ҳали чатоқ эмас. Энг яхши вариант тезкор гол ва уёғига Ситини олдинга тортиб, бўшлиқлар юзага келтириш.

Жуда мураккаб ва мароқли учрашув кўрамиз. Бу сафар мазза қилиб ТВ қаршисида. Ҳамкасбларга омадли эфир! Онлайнни якунлаймиз.

t.me/Davron_Fayziev

Манчестер Сити ҳақли тарзда ғалаба қозонди ва ўз тарихида биринчи бор финалга чиқди. Гвардиола неча йиллик меҳнати самарасини кўрсатди. Финалда ютқазса ҳам ундаги иштирок тарихий натижа бўлиб қолади. Ярим финалда устун келишнинг асосий омили - тартиб интизом! Анатюра ва таваккалчиликни ноль даражага тушириш. Мураббий қўли шубҳасиз. Шунингдек, Де Брюйне, Маҳрез, Диаш, Диаш, Фоден, Гюндоган, Зинченколарнинг максимал даражасини керакли пайтда кўрсатгани.

ПСЖ балки мавсумнинг энг ёрқин футбол кўрсатган жамоасидир. Аммо фақатгина ижрочилар ҳисобига. На тактика, на ирода, на интизом. Гап фақат ярим финал ҳақида. Унгача бўлган ёрқин учрашувлар учун парижликларга раҳмат. Конкрет сабаблар, биринчи баҳснинг иккинчи таймида бирдан ортга чекиниш, Мбаппенинг жароҳати, Неймарга ўйин берилмагани, Икарди ноль даражани кўрсатгани, марказ Вераттидан ташқари даражаси юқори эмаслиги, қанот ҳимоячилари фақат ҳимоялангани ва яна кўп омиллар. Яна бир нарса, икки гал ҳам чиройли ўйинлар таассуротини ҳунук якун бузиб қўймоқда. Синдиришга ўйнаганлар чиқиб кетгани адолатдандир.

Эртага иккинчи финалчи аниқланади. Иккала вариант дерби. Челси чиқса Англия дербиси. Реал чиқса каллар дербиси. Ҳазил албатта. Еврокубокларнинг икки буюк рекордчи мураббийлари дербиси. Танланг.

Эртанги имкониятлар ҳақида эса насиб қилса кун давомида гаплашамиз.

t.me/Davron_Fayziev

IMKONIYATLAR O'Z-O'ZIDAN PAYDO BO'LIB QOLMAYDI. ULARNI SIZ YARATASIZ!

Kalitga bosing: 🔑

BIZNES | KITOB | MOLIYA | MAQSAD

Анонсга муҳтож бўлмаган ўйин.

Челси ва Реал Мадрид иккинчи финалчини аниқлаб беришади. Мадридда 1:1 ҳисоби қайд этилди. Интрига космос даражасида. Уч хил натижанинг ҳам эҳтимоли бор. Фаворит йўқ. Шунчаки томоша қилиш керак. 🔥
Сизни 23:55 да UZREPORTTV да кутамиз. Ҳамкасбим @Turdialiyev_Hasan билан бирга сизга ҳамроҳлик қиламиз.

t.me/Davron_Fayziev

Ла Лигада кураш ёнмоқда. Атлетико, Реал ва Барселона чемпионлик учун курашяпти. Ким қайси ўринда, ким ютса қайси ўринга чиқади деб бош қотиришга ҳожат йўқ.

Чунки топ-5 чемпионатлар ва бошқа лигалар, шунингдек, Евро—2020 (21) мусобақасининг онлайн жадваллари, ўйинлар тақвими, тўпурарлар рўйхати ҳаммаси-ҳаммаси битта жойда мужассамлаштирилди.

Энди маълумотларни топиш учун ортиқча вақт кетказмайсиз, барчаси битта жойда!

ЛИНК👉@TaqvimFutgol_bot

Реклама

Ярим финалда кўрганларим

Челси. Менди энг оғир вазиятларда қутқарди. Учта ҳимоячи Бенземани тўхтатди ва Азарга ўйин бермади. Марказда Жоржиньо ва Канте Модрич-Кроосдан тезроқ ўйнади. Маунт эса Каземирони ҳимояда вазифалар билан юклаб ташлади. Реал қанотга чиқарилди. Иккинчи қаватни эса Челси ютиб чиқди. Ҳимоя-ҳужум-ҳимоя маршрутини Челси яхшироқ босиб ўтди. Хавертс ва Вернер жой алмашиб чалғитишди. Тухельнинг энг катта иши Реални бўшлиқдан маҳрум қилди. Чизиқларни ажратиб ташлади ва бўлинганини еб ташлади. Майда фол тактикасини самарали ишлатди. 90 дақиқа прессинг қилди. Юксак жисмоний ҳолат намойиш этди.

Реал. Рамос жароҳат билан ўйнагани сезилди. Плюс 1-таймда сариқ олиб уёғига эҳтиёт бўлди. Реал ҳеч қўлламаган услубда ўйнади. Марказий ҳимояда 3 футболчи. Фаол қанотлар ишламади. Менди ҳужумда, Винисиус эса ҳимояда ёрдам беролмади. 3 марказий ҳимоячи билан ўйнаганда керак пайт яна иккита қўшилиб 5 тага айланади. Бироқ Реал айнан 3 ҳимоячи билан ўйнади, улар ҳам жуда секин харакат қилишди.
Каземиро Маунтга бас келолмади. Модричда тезлик, Кроосда эса кескинлаштирувчи паслар оқсади. Азар ўз имкониятининг ярминиям кўрсатмади. Уни майдонда пайтидаёқ ўйиндан чиқариб юборишди. Бензема уч ҳимоячига қарши курашди. Қанотдан ёрдам келмади. Шунда ҳам иккита вазият қилди. Реал сафида ярим финал натижасига кўра бош эгмаган ягона футболчи.

Баъзида ярим финаллар драмага айланади. Охирида жанжаллар чиқади. Томошабинлар ҳам анча вақтгача эмоцияни боса олишмайди. Лекин бу сафар Реалнинг кўплаб адекват мухлислари ҳам шунчаки Челси яхшироқ ўйнаганини тан олишди. Икки муносиб жамоанинг тўқнашуви ва аристократча якун.

t.me/Davron_Fayziev

АПЛ шу қадар кучли чемпионатки, 3 йил ичида иккинчи бор Чемпионлар лигаси финали инглизча бўлиш билан бирга, бу сафар финалга умуман бошқа икки клуб чиқмоқда.

t.me/Davron_Fayziev

Бу фотода ҳаддан ташқари катта куч-қудрат мужассам.
Афсоналар.

t.me/Davron_Fayziev

Америкалик машхур влогер Жейк Пол бокс оламига кириб келиб шов-шув кўтаришда давом этмоқда. Эсингизда бўлса у Тайсоннинг қайтиш кечаси андеркардида собиқ баскетболчини нокаутга учратганди. YouTube блогерликдаги йиллик маблағни биттада топди.

Яқинда Бен Аскренни биринчи раундда уриб қўйди. Яна кучли пиар ва улар миллионлаб доллар ишлаб топишди. Иштаха очилди. Кейин Усман-Масвидаль жангига бориб, билибми билмайми Даниель Кормьега гапириб қўйди ва ўлишига сал қолди.

Энди навбат Флойд Мэйвезерга. Улар учрашиб ғалати шоу уюштиришди. Ҳаммаси Жейкнинг акаси Логаннинг матбуот анжуманида рўй берди. Тўполон бошланаётганга ўхшаб турган жойда Пол Флойднинг бош кийимини олиб қочди. Бу энди нимаси? Яна пул. Жангни сотмоқчи. Пол майли, у шоумэн. Флойд бунга аралашиб бекор қилди. У фаолиятини мутлоқ рекорд билан тугатган ва тарихда энг кучли боксчилардан бири сифатида қолди. Шу мавқени ушласа бўларди. Бу менинг ўта шахсий фикрим. У эса номини Money қўйиб олиб томошаларда қатнашишда давом этмоқда.

t.me/Davron_Fayziev

Ўша кун келди.

Учта гранд Атлетико, Реал ва Барселона Испанияда чемпионлик учун курашаётганидан хабарингиз бор. Ҳаммасини Барселона - Атлетико ўйини ҳал қилади, деган гапга ҳам кўп дуч келаётгандирсиз. Ўша ўйин бугундир! Ҳақиқатдан ҳам уч етакчидан иккитаси ўзаро ўйнаши вазиятни анча ойдинлаштиради. Агар Атлетико ютса Барса титулдан қуруқ қолади. Аксинча, Барселона ғалаба қозонса интрига янада кучаяди ва Атлетико уёғига хато кутиб яшайди. Қанчалик ғалати эшитилмасин, аммо Реал Мадрид учун Барселонанинг ғалабаси қулайроқ. Ёки дуранг. Ҳа, мураккаб. Ла Лига мухлиси бўлмасангиз балки тушунишингиз ҳам шарт эмасдир. Шунчаки билингки, бугун Испания чемпионатининг энг кульминацион учрашуви бўлиб ўтади. Ҳақиқий жанг! Биргаликда томоша қиламиз.

Барселона - Атлетико
FUTBOLTV Live 19:15

Ифторлик столи атрофида телевизор пульти учун курашда сизга омад тилайман, арзийдиган ўйин.

t.me/Davron_Fayziev

Сауль Канело Альварес учинчи чемпионлик камарини қўлга киритди.

Профессионал бокснинг супер ўрта тоифаси WBC, WBA йўналиши чемпиони ва P4P энг яхши боксчиларидан бири Сауль Альварес бугун WBO камари эгаси Билли Жо Сондерс билан жанг қилди. 6-раундгача беллашув тенг кечди. Кейинчалик Канело устунликни қўлга олди. Унинг панчлари Сондерсга талофат етказишни бошлади. 8-раунд якунида Сауль эгилаётган рақибига аперкот йўллади (видеодан ўрин олган). Ушбу зарба натижасида Сондерснинг юзида орбитал суяк синди. Раунд танаффусида шифокорлар кўриб чиққач, Билли Жо жамоаси жангни давом эттирмаслигини эълон қилди. Шу тариқа Сауль Альварес WBO камарини ҳам ўзлаштирди. Канелони тўхтатадиган куч бу вазнда топилмаяпти.

t.me/Davron_Fayziev

Элдорни тушир, Баллардини.

Европа топ чемпионатларидаги ўзбек футболчиси Элдор Шомуродов учун бугун муҳим кун. Биласиз у иккита ўйиндан бери гол урмоқда. Бугун Женоа ўз майдонида Сассуоло билан ўйнайди. Давиде Баллардини кўраётгандир Элдор ёниб турганини. Серияда кетяпти. Асосийда туширса керак. Женоа биринчи даврада Сассуолога 1:2 ютқазган, Шомуродов ягона голни урган.

Женоа ҳали А Серияда қолишни таъминлагани йўқ. Очколар зарур. Тан олиш керак бугунги рақиб кучли. Сассуоло Европа лигаси йўлланмаси учун Рома билан жанг қиляпти. Даража юқорироқ. Ана шундай ўйинларда амалга оширилган ассист ёки голнинг қиймати анча баланд бўлади ва Элдорнинг кейинги мавсумдаги фаолиятига ижобий таъсир қилади. Омад!

Вақти бизга қулай, 15:30, FUTBOLTV жонли эфирида сизни кутаман.

t.me/Davron_Fayziev