Душераздирающая история из жития Никандра псковского о том, как у него пропал кот и что этот бедный кот вынес (язык оригинала):
«Чюдо второе преподобнаго отца нашего Никандра пустынножителя
Нѣпоколицех же днех, еще преподобному живу сущу, прииде нѣкий мужъ именемъ Иосиф ко святому пользы ради душевныя. Преподобный же рече к нему: «Чадо Иосифе, нѣсть у меня кота, но сотвори ми послушание, сыщи ми кота». Иосиф же рече: «Да гдѣ такову аз вещь обрящу тебѣ угодну?» Он же рече ему: «Есть у Спаского дьякона в Заклиньи». Иосиф же рече: «Ты у него просил ли сего?» Святый же рече: «Аз бо и во образ его не видах и не вѣм, отнележе приидох в пустыню сию». Иосиф же поиде. Святый же вопроси его: «Да будеши ли в третий день?» Иосиф же рече: «И завтра, отче, буду». Святый же рече: «И в четвертый день тебѣ не бывати и не по повелѣнию ти сотворити».
Прииде же Иосиф ко диякону Иванну и вопроси о послании. Он же даде ему с радостию посланное, Иосиф же поиде в пустыню с посланиемъ. И по наносу дияволю возвратися Иосиф в дом свой, и пребысть в дому три дни, и посланное посади в темне мѣсте, и не даде ему ясти и пити, и забы посланное и пророчество святаго. И в пятый день прииде ко святому. Святый же прозрѣвъ и глагола ему: «Иосифе, почто кота сего в темницы смиряеши три дни и дома пребыл еси?» Он же видѣв его прозорлива, и паде на ногу его, и плакася. Святый же посла его вспять, еже гдѣ взял посланное, занеже не по словеси святаго сотворих, и отпусти кота. Иосиф же отиде от келии святаго с треть поприща, и нападе на нь приити близ келии и кота пустити. А святый отпусти я, и остася в келии своей, и прозрѣ помышление его.
Иосиф же нача в нѣдра своя руку влагати и хватати кота и хотя его пустити, и се невидимою силою нѣкоею похвати святый Иосифа созади и глагола: «Иосифе, что еси неповелѣное твориши!» И обличи его, и рече: «Повѣждь ми, что помышляеши?» Он же рече ему: «Ты, отче, вся помышления моя вѣси, яко хотѣх пустити кота близ кѣлия твоея. Твое же прозрѣние послушествуемо преже беззаконнаго непослушания». Святый же запрети ему, и благослови его, и отпусти его. Он же отиде в дом свой, радуяся».
«Чюдо второе преподобнаго отца нашего Никандра пустынножителя
Нѣпоколицех же днех, еще преподобному живу сущу, прииде нѣкий мужъ именемъ Иосиф ко святому пользы ради душевныя. Преподобный же рече к нему: «Чадо Иосифе, нѣсть у меня кота, но сотвори ми послушание, сыщи ми кота». Иосиф же рече: «Да гдѣ такову аз вещь обрящу тебѣ угодну?» Он же рече ему: «Есть у Спаского дьякона в Заклиньи». Иосиф же рече: «Ты у него просил ли сего?» Святый же рече: «Аз бо и во образ его не видах и не вѣм, отнележе приидох в пустыню сию». Иосиф же поиде. Святый же вопроси его: «Да будеши ли в третий день?» Иосиф же рече: «И завтра, отче, буду». Святый же рече: «И в четвертый день тебѣ не бывати и не по повелѣнию ти сотворити».
Прииде же Иосиф ко диякону Иванну и вопроси о послании. Он же даде ему с радостию посланное, Иосиф же поиде в пустыню с посланиемъ. И по наносу дияволю возвратися Иосиф в дом свой, и пребысть в дому три дни, и посланное посади в темне мѣсте, и не даде ему ясти и пити, и забы посланное и пророчество святаго. И в пятый день прииде ко святому. Святый же прозрѣвъ и глагола ему: «Иосифе, почто кота сего в темницы смиряеши три дни и дома пребыл еси?» Он же видѣв его прозорлива, и паде на ногу его, и плакася. Святый же посла его вспять, еже гдѣ взял посланное, занеже не по словеси святаго сотворих, и отпусти кота. Иосиф же отиде от келии святаго с треть поприща, и нападе на нь приити близ келии и кота пустити. А святый отпусти я, и остася в келии своей, и прозрѣ помышление его.
Иосиф же нача в нѣдра своя руку влагати и хватати кота и хотя его пустити, и се невидимою силою нѣкоею похвати святый Иосифа созади и глагола: «Иосифе, что еси неповелѣное твориши!» И обличи его, и рече: «Повѣждь ми, что помышляеши?» Он же рече ему: «Ты, отче, вся помышления моя вѣси, яко хотѣх пустити кота близ кѣлия твоея. Твое же прозрѣние послушествуемо преже беззаконнаго непослушания». Святый же запрети ему, и благослови его, и отпусти его. Он же отиде в дом свой, радуяся».
